Յ. Սահակյանը փոքրիկ ընթերցողներին ծանոթ է ոչ միայն ուրախ բանաստեղծություններով, այլև շուտասելուկներով ու բառախաղերով: Հեղինակը մեծ ներդրում ունի նաև մանկական երգարվեստի մեջ: Նրա բանաստեղծություններով հայ հանրահայտ երգահաններ Մարտին Վարդազարյանը, Էդգար Հովհաննիսյանը, Ռոբերտ Ամիրխանյանը, Տիգրան Մանսուրյանը, Ստեփան Շաքարյանը և այլք ստեղծել են զվարթ ու թովիչ մանկական երգեր: Յուրի Սահակյանի «Ճնճղկան ճոճք» գեղեցիկ բանաստեղծությունների գիրքը նախատեսված է դպրոցական կրտսեր տարիքի երեխաների համար: