Փոքրիկների հետ պետք է խաղալ ՇԱ՜Տ, ու որքան վաղ տարիքից, այնքան լավ:
Իսկ եթե արդեն փնտրում եք նրա առաջին սեղանի խաղը, ուրեմն «Հոպ-հոպ նապո»-ն այն է, ինչ պետք է:
Խաղը բաղկացած է տարբեր թեմատիկ պատկերներով քարտերից (կենդանի, առարկա, սնունդ, գործողություն), որոնք տարանջատված են գույներով։
Մասնակիցները ժեստերով բացատրում են խաղաքարտերի պատկերները և առաջ գնում խաղատախտակի վանդակներով:
Խաղի ընթացքում բոլոր մասնակիցները ներգրավված են, անկախ նրանից՝ իրենց հերթն է, թե ոչ. մեկը բացատրում է, մյուսները՝ գուշակում: Բոլոր մասնակիցները հաղթում են. խաղն ավարտվում է, երբ բոլորը հասնում են եզրագծին: Կանոնները պարզ են, իսկ խաղը մատչելի նույնիսկ դեռևս չխոսող բալիկների համար:
Այս խաղի շնորհիվ փոքրիկը ընկալում է պատկեր-խոսք փոխկապակցվածությունը, կոորդինացնում է տարածության մեջ սեփական շարժումները, սովորում է երևակայել և առանց խոսքերի ինքնաարտահայտվել, ձեռք է բերում համբերություն ու ավելիին ձգտելու ցանկություն:
Տուփը պարունակում է՝ 1 խաղատախտակ, 1 պտուտակ, 5 փայտե նապաստակ-խաղաքար, 160 խաղաքարտ՝ 4 տարբեր թեմատիկ պատկերներով , 40 կենդանի, 40 առարկա, 40 սնունդ, 40 գործողություն:
Տարիքը՝ 3+
Մասնակիցների քանակը՝ 2-ից 5
