Փայտե ֆորմաներ Հայերեն տառերը
Չափերը՝39,8x29,8x0,7սմ
Տարիքը՝4-6տարեկան
💡 Ինչպես խաղալ՝
🔹 Շրջանակներից հանեք տառերը և խնդրեք երեխային հնարավորինս արագ գտնել դրանց ճիշտ տեղերը և տեղադրել:
🔹 Երեխայի առաջ անկանոն ձևով տեղադրեք տառերը: Հրահանգ տվեք գտնել որոշակի տառ և մտաբերել բառ, որը սկսվում է տվյալ տառով:
🔹 Սեղանի վրա անկանոն ձևով տեղադրեք տառերը: Երեխային հաղորդեք, որ ձեր ձեռքը հիմա մուկիկ կձևանա, կգա և կուտի որևէ տառ: Ապա պատահականորեն ընտրեք որևէ տառ և թաքցրեք: Երեխային հարցրեք, թե ո՞ր տառն է կերել մուկիկը:
🔹 Պահեք տառերով քարտերը ձեզ մոտ: Մեկական տառ դրեք սեղանին և ասեք՝ «Սա ...», և երեխան պետք է ասի տառի անունը՝ Ա, Բ, Գ և այլն: Եթե երեխան ճիշտ է ասում, ապա այդ տառը մնում է իր մոտ, եթե սխալ է ասում՝ մնում է ձեզ մոտ: Հաղթում է այն մասնակիցը, ով խաղի վերջում ունենում է առավելագույն թվով տառեր:
🔹 Երեխային առաջարկեք ընտրել որևէ տառ, ապա փորձեք այդ տառի միջոցով ինչ-որ նոր պատկեր ստանալ կամ նմանեցնել ինչ-որ առարկայի: Երեխան այսպիսով սիրով կծանոթանա տառերին և կմարզի երևակայությունը:
🔹 Երբ երեխան արդեն ճանաչում է տառերը, կարող եք պարզ բառեր կազմել, պատկերավոր ձևով ցույց տվեք, թե ինչպես են մի քանի փայտե տառեր միանում գնացքի նման և բառ կազմում:
——————————
👨‍👩‍👧‍👦 Հուշում ծնողներին՝
‼️ Պարտադիր չէ երեխային տառերը հերթականությամբ սովորեցնել։ Առավել նպատակահարմար է սկզբում սովորեցնել ձայնավորները: Երեխաները սահուն չեն կարողանում կարդալ, երբ դժվարանում են հիշել ձայնավորները: